Një person ka mbetur i plagosur si pasojë e të shtënave me armë zjarri mbrëmjen e së dielës në Skënderaj
Zëdhënësi i Policisë për rajonin e Mitrovicës, Avni Zahiti, ka bërë të ditur se rreth orës 21:04, Policia ka pranuar informacion për të shtëna me armë zjarri në rrugën “28 Nëntori” në Skënderaj.
Sipas të dhënave fillestare, një person i moshës madhore është plagosur nga arma e zjarrit dhe është dërguar në spital për trajtim mjekësor.
Në vendin e ngjarjes, njësitet policore kanë gjetur gëzhoja, ndërsa ekipet hetimore janë duke zhvilluar veprime për identifikimin dhe arrestimin e personit të dyshuar.
