Gazetari Lirim Mehmetaj ka bërë me dije se kandidati i PDK-së për kryeministër, Bedri Hamza, e ka mundësinë të bëhet hero i Kosovës.
Ai ka vlerësuar se një gjë e tillë mund të realizohet nëse opozita arrin ta formojë Qeverinë.
Në profilin e tij në “Facebook”, Mehmetaj ka treguar se cilat punë do të duhej t`i bënte qeveria e re.
“Bedri Hamza e ka mundesine te behet hero i Kosoves. Nese opozita e ben qeverine dhe Bedri Hamza behet kryeminister i Kosoves dhe nese brenda nje viti: E perfundon autostraden per Gjilan, i perfundon rruget per Mitrovice, Podujeve, Peje, Gjakove; Fillon ndertimin e unazes ne Prishtine; Fillon ndertimin e se paku 3 stadiumeve ne qytetet e Kosoves; I rrite pagat 50% per secilin sherbyes e te punesuar ne shtet; I dyfishon pensionet; I dyfishon te ardhurat ne skema te tjera sociale; Digjitalizon shkollat e Kosoves; Krijon sistemin e sigurimeve shendetesore; Ja heq Kosoves sanksionet; I pastron listat e veteraneve dhe i rrit 100% pensionet per veterane”, ka shkruar ai, duke treguar ndikimin që do ta kishin këto punë.
“Atehere jo vetem qe zgjedhjet e ardhshme i fiton me shumice derrmuese, por do te futet ne histori si heroi me i fundit i Kosoves. Te gjitha keto lehtesisht jane te beshme brenda 1 viti. E ka ne dore nje te ardhme te ndritur per Kosoven dhe per veten”, ka shkruar Mehmetaj.
